10 results found for: “DaBaby”.

Main result

Generaciono X

Generaciono X, o Gen X, esas la populo-kohorto qua sequas le Baby boomer. Esas nula preciza dati kande ica kohorto komencas o finas; popul-reserchisti ofte uzas komencala nasko-yari del frua-meza 1960a yari, e finala nasko-yari del tarda 1970a al frua 1980a yari. Generaciono X esas relative plu mikra popul-kohorto inter du plu granda kohorti, le Baby boomer e la Yarmilani. Membri di Generaciono X esis pueri dum tempo di chanjanta sociala valori, e kelkafoye nomizesis la "pordoklefo-generaciono”, pro min multa adulta tutelo kompare antea generacioni, rezulto di plu multa divorco e matrala employeso, ante generala havebleso di sorgo exterhema. Kom adolecanti e yuni, li nomizesis la “MTV-Generaciono” e karakterizesis kom ocieri e kom cinika e deskontenta. En meza vivo, resercho deskriptas Gen X-adulti kom aktiva, kontenta, e havanta equilibro inter laboro e vivo. Li ofte havas tendenci entraprezema. La termino "Generation X" uzesis ye diversa tempi dum historio por deskriptar alienacanta yuni. En le 1950, hungariana fotografisto Robert Capa uzis Generaciono X kom la titulo di foto-esayo pri yunuli e yunini kreskanta jus pos Mondo-Milito 2ma. En 1976, angla muzikisto Billy Idol uzis ol kom la nomo di "punk rock"-grupo. La termino aquiris sua hodiala defino pos la edito di Generation X: Tales for an Accelerated Culture, romano di 1991 da kanadana autoro Douglas Coupland. Experto Neil Howe remarkis la tardeso di nomizo di ca kohorto: "Plu kam 30 yari pos lia nasko, li ne havis nomo. Me opinionas ke to esas informiva." Ante to, la kohorto referesabis kom le Post-Boomers, Baby Busters, New Lost Generation, Latch-key kids, MTV Generation, e la 13ma Generaciono (li deskriptesis kom la 13ma generaciono depos usana nedependo). Generaciono X esas la kohorto pos la "bebeo-explozo", reprezentanta generacionala chanjo de le baby boomer, ma esas debato pri la signifiko di co nam la fino-dato di le baby boomer disputesas. Resercho da MetLife pri le boomer dividis li aden "olda boomer", naskinta inter 1946 e 1955, e “yuna boomer”, naskinta inter 1956 e 1964. Li trovis ke granda parto dil kultural identeso di le baby boomer asociesas kun le "olda boomer", dum ke duimo del "yuna boomer" ne deziris asociesar kun le baby boomer, e triimo del naskinti inter 1956 e 1964 pensis pri su kom membri di Generaciono X. William Straus e Neil Howe refuzis la freque uzata fino-dato 1964 por le baby boomer (do komenco-dato 1965 por Generaciono X), nam majoritato del naskinti inter 1961-1964 ne pensas pri su kom boomer, e li esas kulturale distinta de le boomer segun komuna historiala experienci. Howe dicas ke, dum ke experti uzas 1965 kom komenco-dato por Generaciono X, ico esas aserto pri fertileso en la populo (naski, qui diminuteskis en 1957, diminutis plu rapide pos 1964) e ne konsideras la komuna historio e kultural identeso dil individui. Strauss e Howe definas Generaciono X kom naskinti inter 1961-1981. Multa reserchisti duras uzar dati qui korespondas la strikta fertileso-shabloni en la populo, quo rezultas en komenco-dato por Generation X di 1965, exemple Pew Research Center uzas periodo 1965-1980, MetLife uzas 1965-1976, McCrindle Research Center en Australia uzas 1965-1979, e Gallup anke uzas 1965-1979.