Elon Reeve Musk (fødd 28. juni 1971) er ein sørafrikansk-amerikansk gründer og forretningsmann. Han vaks opp i Pretoria i Sør-Afrika, og har seinare vorte statsborgar i Canada og USA. Musk er hovudsakleg kjend som grunnleggjaren av SpaceX og Hyperloop, han var tidleg investor og direktør i Tesla, og var medgrunnleggjar i nettbanken X.com, som seinare vart slege saman med Confinity som grunnla PayPal. Han var òg den største eigaren og styremedlem i SolarCity, som vart kjøpt opp av Tesla i 2016 I 2017 oppretta Musk The Boring Company for å byggja tunnelar under Los Angeles. I 2022 kjøpte Musk Twitter for 44 milliardar dollar.
Musk har teke del i ONS i 2014 og i 2022 der han mellom anna tala om energiutvikling. I 2017 var Musk ein av fire næringslivsleiarar som vart tildelte Oslo Business for Peace Award.
© MMXXIII Rich X Search. We shall prevail. All rights reserved. Rich X Search