10 results found for: “Vangelis”.

Main result

Vangelis

Evangelos Odysseas Papathanassiou (griegu: Ευάγγελος Οδυσσέας Παπαθανασίου), más conocíu pol nome de Vangelis, (29 de marzu de 1943, Agria – 17 de mayu de 2022, XV Distritu de París) foi un famosu teclista y compositor de música electrónica. Ente les sos obres más conocíes destaquen les bandes sonores orixinales pa les películes Chariots of Fire (ganadora del Oscar a la meyor banda sonora en 1981), Blade Runner (1982), y 1492: Conquest of Paradise (1992). La so música caracterízase pol usu de sintetizadores ya instrumentos acústicos (de mou especial de percusión) pa crear atmósferes de soníu solemne. Nun ye cenciellu enmarcar la so música dientro d'un xéneru, anque ye davezu que se-y ameste ente la corriente musical Nueves Músiques, o como músicu clásicu contemporaneu. De cualesquier mou, la bayura de la so obra fai difícil la so catalogación como artista dafechamente New Age. Anque dellos de los sos trabayos más conocidos pertenecen al mundu de la música de cine y televisión, Vangelis algamó reconocimientu tanto por mor de les sos bandes sonores como polos sos discos d'estudio. Ente les sos obres atópense, amás, varies creaciones pa obres de teatru: Elektra (1983), Medea (1992), Les troyanes (2001), The Tempest (2002). Tamién fizo pa ballet: R. B. Sque (1983), Frankenstein: Modern Prometheus (1985), The Beauty and the Beast (1986). Amás desendolcó una carrera como pintor, teniendo varies exposiciones internacionales. La so personalidá mediática fizo que tuiviera abonda influencia en Grecia hasta la so muerte en 2022 por COVID-19.