Anonymous (kollektief)

Anonymous
Tipe	Kollektief
Gestig	2004
Hoofkantoor	Wêreldwyd
Industrie	Aktivisme/vermaak
Slagspreuk	"Ons is Anonymous. Ons is legioen. Ons vergewe nie. Ons vergeet nie. Verwag ons."
Webwerf	https://www.anonymoushackers.net/

Anonymous (Afrikaans: Anoniem) is 'n gedesentraliseerde internasionale kuberaktivistiese / kuberkraker kollektief / beweging wat algemeen bekend is vir sy verskillende kuberaanvalle teen onder andere verskeie regerings, regeringsinstellings, korporasies en die Kerk van Sciëntologie.

Anonymous het in 2003 ontstaan op die bulletin-/beeldbordwebwerf 4chan, wat die konsep van baie aanlyn- en aflyngemeenskapsgebruikers verteenwoordig wat terselfdertyd bestaan as 'n "anargistiese, gedigitaliseerde wêreldbrein".^[1][2] Anonymous ondersteuners (bekend as Anons) kan in die openbaar onderskei word deur die dra van Guy Fawkes-maskers in die styl wat in die grafiese roman en die rolprent V for Vendetta uitgebeeld word.^[3] Dit kan egter nie altyd die geval wees nie, aangesien sommige van die kollektief verkies om eerder hul gesig te bedek sonder om die bekende masker as vermomming te gebruik. Sommige mense kies ook om hul stemme deur middel van stemveranderers of teks-tot-spraak-programme te verberg.

In sy vroeë vorm is die konsep aangeneem deur 'n gedesentraliseerde aanlyngemeenskap wat anoniem op 'n gekoördineerde manier optree, meestal na 'n los self-ooreengekome doel en hoofsaaklik gefokus op vermaak (of lulz). Begin met Projek Chanology in 2008 – 'n reeks protesoptredes, poetse en kuberkraakaktiwiteite wat die Kerk van Sciëntologie teiken – word die Anoniem-kollektief toenemend geassosieer met samewerkende kuberaktivisme oor 'n aantal internasionale sake. Individue wat beweer dat hulle hulself met Anonymous identifiseer, het betogings en ander aksies onderneem (insluitend direkte optrede) in vergelding teen outeursregtelike gefokuste veldtogte deur rolprentmaatskappye en industrie belangeorganisasies. Latere teikens van Anonymous se kuberaktivisme het regeringsagentskappe van die Verenigde State, Israel, Tunisië, Uganda en ander ingesluit; die Islamitiese Staat van Irak en die Levant; webwerwe vir kinderpornografie; agentskappe vir die beskerming van outeursreg; die Westboro Baptist Church; en korporasies soos PayPal, MasterCard, Visa en Sony. Anons het WikiLeaks en die Occupy-beweging in die openbaar ondersteun. Verwante groepe LulzSec en Operation AntiSec het kuberaanvalle op Amerikaanse regeringsagentskappe, media, videospeletjiesondernemings, militêre kontrakteurs, militêre personeel en polisiebeamptes uitgevoer, wat gelei het tot die aandag van wetstoepassing op die groep se aktiwiteite.

Tientalle mense is in hegtenis geneem weens betrokkenheid by Anonymous se kuberaanvalle in lande soos die Verenigde State, die Verenigde Koninkryk, Australië, Nederland, Spanje, Indië en Turkye. Evaluasies van die groep se optrede en effektiwiteit wissel baie. Ondersteuners het die groep 'vryheidsvegters'^[4] en die digitale Robin Hoods^[5] genoem, terwyl kritici hulle as 'n "kuber-lynchgroep"^[6] of "kuberterroriste" beskryf.^[7] In 2012 noem Time Anonymous een van die "100 invloedrykste mense ter wêreld".^[8] Anonymous se mediaprofiel het oor die laaste paar jaar verminder,^[9][10][11] maar die groep het in 2020 weer na vore getree om die George Floyd-betogings te ondersteun.^[12][13][14]

1. ↑ Landers, Chris (2 April 2008). "Serious Business: Anonymous Takes On Scientology (and Doesn't Afraid of Anything)" (in Engels). Baltimore City Paper. Geargiveer vanaf die oorspronklike op 8 Junie 2008. Besoek op 3 Julie 2008.
2. ↑ Oltsik, Jon (3 Desember 2013). "Edward Snowden Beyond Data Security" (in Engels). Network World. Geargiveer vanaf die oorspronklike op 5 November 2013. Besoek op 4 Desember 2013. {{cite news}}: |archive-date= / |archive-url= timestamp mismatch (hulp)
3. ↑ Waites, Rosie (20 Oktober 2011). "V for Vendetta masks: Who" (in Engels). BBC News. Geargiveer vanaf die oorspronklike op 5 September 2008. Besoek op 20 Oktober 2011. {{cite news}}: |archive-date= / |archive-url= timestamp mismatch (hulp)
4. ↑ Krupnick, Matt (15 Augustus 2011). "Freedom fighters or vandals? No consensus on Anonymous". Oakland Tribune (in Engels). MercuryNews.com. Geargiveer vanaf die oorspronklike op 26 Augustus 2016. Besoek op 10 Julie 2013.
5. ↑ Carter, Adam (15 Maart 2013). "From Anonymous to shuttered websites, the evolution of online protest" (in Engels). CBC News. Geargiveer vanaf die oorspronklike op 3 Mei 2013. Besoek op 6 Mei 2013.
6. ↑ Coleman, Gabriella (6 April 2011). "Anonymous: From the Lulz to Collective Action" (in Engels). Geargiveer vanaf die oorspronklike op 17 Mei 2013. Besoek op 5 Mei 2013.
7. ↑ Rawlinson, Kevin; Peachey, Paul (13 April 2012). "Hackers step up war on security services". The Independent. HighBeam Research. Geargiveer vanaf die oorspronklike op 29 Junie 2013. Besoek op 5 Mei 2013.
8. ↑ Gellman, Barton (18 April 2012). "The 100 Most Influential People In The World". Time (in Engels). Geargiveer vanaf die oorspronklike op 25 Augustus 2013. Besoek op 6 Junie 2020.
9. ↑ David Gilbert (29 November 2016). "Is Anonymous over?" (in Engels). VICE. Geargiveer vanaf die oorspronklike op 24 Februarie 2013.
10. ↑ Andrew Griffin (7 Augustus 2018). "Anonymous promises to uncover the truth behind 'QAnon' conspiracy theory" (in Engels). The Independent. Geargiveer vanaf die oorspronklike op 5 September 2008. {{cite news}}: |archive-date= / |archive-url= timestamp mismatch (hulp)
11. ↑ Jason Murdock (14 Augustus 2017). "What happened to Anonymous? Experts say they're 'script kiddies who barely understand hacking'" (in Engels). IB Times. Geargiveer vanaf die oorspronklike op 5 September 2008. {{cite web}}: |archive-date= / |archive-url= timestamp mismatch (hulp)
12. ↑ https://www.independent.co.uk/life-style/gadgets-and-tech/news/anonymous-george-floyd-black-lives-matter-facebook-twitter-video-k-pop-a9542666.html
13. ↑ https://www.bbc.co.uk/news/technology-52879000
14. ↑ https://metro.co.uk/2020/05/31/who-are-anonymous-hacker-group-return-three-years-12782888/