Doctor Octopus | |
![]() | |
'n Cosplayer as Doctor Octopus.
| |
Skepping | |
---|---|
Eerste verskyning | As Doctor Octopus: The Amazing Spider-Man #3 (Julie 1963) As Superior Spider-Man: The Amazing Spider-Man #698 (November 2012) |
Geskep deur | Marvel Comics Stan Lee en Steve Ditko |
Inligting | |
Byname | The Master Planner the Master Programmer Superior Spider-Man Venom Dr. Elliot Tolliver |
Alter ego | Otto Gunther Octavius[1] |
Spesie | Menslike mutant |
Geslag | Manlik |
Beroep | Wetenskaplike |
Doctor Octopus (Dr. Otto Gunther Octavius), ook kortweg bekend as Doc Ock, is 'n karakter in Amerikaanse strokiesverhale van Marvel Comics. Die karakter is deur Stan Lee en Steve Ditko geskep en het die eerste keer verskyn in The Amazing Spider-Man #3 (Julie 1963). Hy is 'n hoogs intelligente, nabysiende en gek wetenskaplike met vier aanhangsels wat soos die tentakels van 'n seekat lyk; dit kom van agter sy liggaam uit en kan vir verskeie doeleindes gebruik word.
Nadat sy meganiese harnas tydens 'n ongeluk in die laboratorium permanent met sy liggaam saamsmelt, wend hy hom tot 'n lewe van misdadigheid en kom hy te staan teen Spider-Man. Hy is een van laasgenoemde se grootste teenstanders en word beskou as een van sy aartsvyande, saam met die Green Goblin en Venom. Hy is die stigter en leier van die Sinister Six, die eerste superskurkspan wat Spider-Man teenstaan.
Terwyl Doctor Octopus gewoonlik as 'n superskurk uitgebeeld word, is hy soms ook 'n antiheld met botsende idees en 'n bondgenoot van Spider-Man. Ná Spider-Man se dood in die 2012-storielyn "Dying Wish", waarin die sterwende Octavius liggame met die superheld omruil en Spider-Man is sy plek laat sterf, wil Octavius bewys hy kan 'n beter Spider-Man wees. Hy neem die skuilnaam Superior Spider-Man aan, vanaf Avenging Spider-Man #15.1. Die Superior Spider-Man kan egter nie aan al die eise van Spider-Man voldoen nie en laat die regte Spider-Man herleef.
© MMXXIII Rich X Search. We shall prevail. All rights reserved. Rich X Search