Dwight D. Eisenhower

Dwight David Eisenhower
34ste President van die Verenigde State
Ampstermyn	20 Januarie 1953 – 20 Januarie 1961
Voorganger	Harry S. Truman
Opvolger	John F. Kennedy
Geboortedatum	14 Oktober 1890
Geboorteplek	Denison, Texas
Sterftedatum	28 Maart 1969
Sterfteplek	Washington, D.C.
Eerste Dame	Mamie Doud Eisenhower
Politieke party	Republikein
Visepresident	Richard Nixon
Handtekening

Dwight David Eisenhower (14 Oktober 1890 – 28 Maart 1969) was 'n voormalige vyf-ster Generaal van die Leër van die Verenigde State van Amerika en 'n Amerikaanse politikus wat as die vier-en-dertigste President van die Verenigde State gedien het, vanaf 1953 tot 1961. Tydens die Tweede Wêreldoorlog was hy die opperbevelvoerder van die Geallieerdes van die Tweede Wêreldoorlog in Europa, en was verantwoordelik vir die beplanning en toesighouding van die inval van Frankryk en Duitsland in 1944-45. In 1951 het hy die eerste opperbevelvoerder van NAVO geword.^[1]

As 'n Republikein is hy verkies as die 34ste President van die Verenigde State van Amerika en het hy twee volle termyne gedien. Hy het as president die Koreaanse Oorlog beëindig, druk op die Sowjetunie uitgeoefen tydens die Koue Oorlog, kernwapens 'n hoë verdedigingsprioriteit gemaak, die Ruimtewedloop geloods, die Amerikaanse "Social security"-program uitgebrei en die "Interstate Highway"-stelsel begin. Tydens sy ampstermyn het Alaska (3 Januarie 1959) en Hawaii (21 Augustus 1959) die 49ste en 50ste deelstate van die Verenigde State van Amerika geword.

1. ↑ Dwight-D-Eisenhower "Supreme commander", Encyclopædia Britannica: artikel oor Dwight D. Eisenhower, bl. 3 van 6. Laaste besoek op 21 Januarie 2007.