FIFA Sokker-Konfederasiebeker in 2017

FIFA Sokker-Konfederasiebeker
Koebok konfederatsij FIFA 2017

Кубок конфедераций 2017
Toernooi-inligting
Gasheerland	Rusland
Datums	17 Junie – 2 Julie
Spanne	8 (van 6 konfederasies)
Stadions	4 (in 4 stede)
Finale uitslag
Kampioene	Duitsland (1 titel)
Tweede plek	Chili
Derde plek	Portugal
Vierde plek	Meksiko
Toernooi-statistieke
Wedstryde gespeel	16
Doele	43 (2.69 per wedstryd)
Bywoning	628 304 (39 269 per wedstryd)
Meeste punte	Leon Goretzka Lars Stindl Timo Werner (3 doele elk)
Beste speler	Julian Draxler
← 2013 2021 →

Die FIFA Sokker-Konfederasiebeker in 2017 (Russies: Кубок конфедераций 2017, Koebok konfederatsij FIFA 2017; Engels: FIFA Confederations Cup) is van 17 Junie tot 2 Julie 2017 in Rusland aangebied en het vir die gasheer as ’n voorbereiding op die FIFA Sokker-Wêreldbekertoernooi in 2018 gedien. Dit was die vyfde sokker-konfederasiebeker wat onder FIFA se vaandel aangebied is. Die eerste twee toernooie in 1992 en 1995 is onder die naam Koning Fahd-beker aangebied en terugwerkend deur FIFA as Sokker-Konfederasiebekertoernooie erken.

Soos gebruiklik het die gasheerland, die destydse wêreldkampioen en die kampioene van elk van die ses sokkerbonde deelgeneem. Duitsland het die toernooi gewen nadat hulle Chili met 1–0 in die eindstryd geklop het. Portugal het in die derde en Meksiko in die vierde plek geëindig. Die gasheer Rusland is in die groepfase uitgeskakel.

Dit was die laaste Sokker-Konfederasiebeker wat aangebied is voordat FIFA aangekondig het dat dit dié toernooi nie langer sal aanbied nie en dit deur ’n uitgebreide FIFA-Klubwêreldbeker sal vervang.^[1][2]

1. ↑ (en) "FIFA Council votes for the introduction of a revamped FIFA Club World Cup". FIFA. 15 Maart 2019. Geargiveer vanaf die oorspronklike op 16 Julie 2019. Besoek op 15 Maart 2019.
2. ↑ (en) "FIFA President confirms 22 national teams will participate in FIFA Arab Cup 2021 in Qatar". FIFA. Geargiveer vanaf die oorspronklike op 25 November 2020. Besoek op 25 November 2020.