Die Great Smoky Mountains is 'n bergreeks wat in die suidoostelike Verenigde State langs die grens tussen die deelstate Tennessee en Noord-Carolina verrys. Hulle maak deel uit van die groter Appalachereeks en die fisiografiese Blue Ridge-provinsie. Na die reeks word soms verwys as die Smoky Mountains, algemeen afgekort as Smokies.
Die Great Smokies staan veral bekend vir die Great Smoky Mountains Nasionale Park wat oor die grootste deel van die reeks strek en in 1934 gevestig is. Met 11,6 miljoen besoekers in 2016 is dit die mees besoekte van die 59 nasionale parke in die Verenigde State.[1]
© MMXXIII Rich X Search. We shall prevail. All rights reserved. Rich X Search