Wikipedia-hulpbladsy vir die skepping en verbetering van artikels
|
|
Hierdie bladsy mag diegene help wat van plan is om Wikipedia-artikels te skep of te verbeter. Vir verdere hulp, besoek Wikipedia:Redigeringsinstruksies.
|
Hier op Wikipedia wil ons graag die bron van enige artikel akkuraat aandui. Indien die bron vir die artikel (sê nou maar dit is die skakel [[:en:Cow]]) vanuit 'n anderstalige Wikipedia kom, kan dit gebeur dat 'n mens se verwysing na dié artikel kan dateer, en as 'n medewerker in die toekoms op die skakel wat na daardie artikel verwys sou druk, bring dit dan die persoon uit op die bladsy (Cow) soos wat dit op daardie oomblik lyk, en verwys dit nie meer na die oorspronklike bron nie. Siende dat Wikipedia so 'n aktiewe en ontwikkelende projek is, kan dit maklik gebeur dat die oorspronklike bronartikel nie eers meer herkenbaar is nie. Dit bemoeilik dan die taak van die medewerker wat, sê maar, die bron wou naslaan om 'n verbetering aan die vertaling aan te bring, of 'n feit wat in die vertaalde artikel genoem is, in die bronartikel wou nagaan.
Gelukkig is daar 'n maklike manier om die probleem te oorkom.
Kom ons demonstreer dit:
- 'n Mens besluit om die artikel Die_avonture_van_Kuifie te gebruik as die bronartikel.
- Kliek op die skakel, en die betrokke artikelbladsy maak oop.
- Die webadres van hierdie artikel vertoon as 'n gewone adres -- ''[http://af.wikipedia.orgview_html.php?sq=Gas supply Germany&lang=af&q=Die_avonture_van_Kuifie]''. As 'n mens hierdie adres as verwysing in die nuutvertaalde artikel sou plak, sal daardie skakel 'n mens altyd na die heel nuutste weergawe van daardie artikel terugbring, en nie na die oorspronklike bronartikel nie.
- In plaas daarvan dat 'n mens die webadres van dié artikel kopieer, gaan eers na "gereedskap".
- "Gereedskap" is te vinde onder die eponieme hofie -- in swart druk geskryf -- aan die linkerkant van die standaard-Wikipediabladsy, waaronder 'n skakel -- in blou druk geskryf -- voorkom, genaamd "permanente skakel". (Op anderstalige Wikipedia's sal dit die ekwivalente woord en frase vir "gereedskap" en "permanente skakel", onderskeidelik, in daardie taal wees).
- Druk op hierdie "permanente skakel". (Linkerkliek daarop met jou muis).
- 'n Nuwe bladsy laai wat oënskynlik na presies dieselfde bladsy lyk, behalwe dat die skakel "permanente skakel" nou grys vertoon, en nie meer gedruk kan word nie; en dat die webadres van die artikel verander het na [http://af.wikipedia.org/w/index.php?title=Die_avonture_van_Kuifie&oldid=86899]. Hierdie nuwe, lang, lelike adres is die huidige weergawe van die bronartikel, en as 'n mens dit kopieer en in 'n mens se nuwe artikel plak as die bronverwysing, sal die aktivering van daardie bronverwysingskakel die leser altyd weer na die oorspronklike bron waarmee 'n mens nou net gewerk het, terugbring.
Kyk ook na die beeld hieronder wat dit opsommend illustreer: