Kimberley

Kimberley
Stad
Die stadskern oor die Groot Gat gesien
Kimberley  Kimberley se ligging in Noord-Kaap
Koördinate: 28°44′31″S 24°46′19″O / 28.74194°S 24.77194°O / -28.74194; 24.77194
Land	Suid-Afrika
Provinsie	Noord-Kaap
Distrik	Frances Baard
Munisipaliteit	Sol Plaatje
Stigting	5 Julie 1873
Oppervlak [1]
• Totaal	164,3 km2 (63,4 vk. myl)
Hoogte	1 184 m (3 885 ft)
Bevolking  (2011)[1]
• Totaal	225 160
• Digtheid	1 370/km2 (3 500/vk. myl)
Rasverdeling (2011) [1]
• Wit mense	8,0%
• Indiërs/Asiërs	1,2%
• Bruin mense	26,8%
• Swart mense	63,1%
• Ander	0,9%
Taal (2011) [1]
• Afrikaans	43,2%
• Tswana	35,8%
• Engels	8,7%
• Xhosa	6,0%
• Ander	6,3%
Poskode (strate)	8301
Poskode (posbusse)	8300
Skakelkode	053

Kimberley is 'n stad in Suid-Afrika en die hoofstad van die Noord-Kaap met sowat 225 000 inwoners in 2011 (insluitend townships). Die plek waar Kimberley sou ontwikkel, het in 1871 wêreldwyd opslae gemaak ná die ontdekking van 'n diamantveld. Die mynboubedrywighede, wat hier vinnig ontwikkel het, gee onder meer aanleiding tot die industrialisering van Suid-Afrika. Kimberley maak op 2 September 1882 ook geskiedenis as die eerste stad in Suid-Afrika en die Suidelike Halfrond met elektriese gloeilamp-straatverligting – op 'n tydstip toe Londen se strate nog met gaslampe belig is.^[2] Kimberley en die aanliggende Beaconsfield is in 1912 verenig onder een dorpsbestuur en het in Desember daardie jaar stadstatus verwerf.

Alhoewel die stad nie langs die belangrike toeristeroete van Suid-Afrika lê nie, is dit saam met Upington die poort na Suid-Afrika se "Wilde Weste" en na Namibië, met Namakwaland, die Augrabieswaterval, die Kgalagadi Vredespark (voorheen die Kalahari-Gemsbokpark), en die Namibwoestyn met die Visrivier-canyon as die belangrikste toeristebestemmings.

1. ↑ ^{1,0 1,1 1,2 1,3} Som van die hoofplekke Roodepan, Galeshewe en Kimberley Sensus 2011.
2. ↑ Eskom: Electricity in South Africa – Early Years. Besoek op 21 Maart 2018