Prins Eduard-eiland

Hierdie artikel handel oor die Suid-Afrikaanse eiland in die suidelike Indiese Oseaan. Vir die Kanadese provinsie, sien Prins-Edward-eiland.

Prins Eduard-eiland
Nasa-Satellietbeeld van die Prins Eduard-eiland
Geografie
Ligging	Suid-Afrika, Indiese Oseaan
Koördinate	46°39′S 37°57′O / 46.650°S 37.950°O / -46.650; 37.950
Argipel	Prins Eduard-eilande
Oppervlakte	45 vk km
Hoogste punt	Van Zinderen Bakker Peak 672 m
Administrasie
Suid-Afrika
Provinsie	Wes-Kaap

Prins Eduard-eiland (Engels: Prince Edward Island) is 'n onbewoonde en onherbergsame sub-antarktiese vulkaaneiland in die suidelike Indiese Oseaan en behoort sedert 1947 tot Suid-Afrika, sedert 1994 tot die provinsie Wes-Kaap en maak administratief deel uit van die Stad Kaapstad Metropolitaanse Munisipaliteit. Die eiland is die kleiner en noordoostelike van die twee Prins Eduard-eilande en huisves in teenstelling met die suidwestelike Marion-eiland geen gletser nie. Die eiland is op 13 Januarie 1773 deur die Franse ontdekkingsreisiger Marc-Joseph Marion du Fresne ontdek en in Desember 1776 deur die Britse ontdekkingsreisiger James Cook ná Prins Edward, die vierde seun van koning George III en die pa van koningin Victoria, genoem.