Bauhaus

Dä Artikel befasst sich mit dr Kunst-, Design- und Architekturschuel Bauhaus; zu wiitere Begriff mit däm Name lueg under Bauhaus (Begriffsklärung).

S Staatlige Bauhuus isch 1919 vom Walter Gropius z Weimar as Kunstschuel gründet worde. Si Art und Konzeption si denn öbbis ganz Neus gsi. S historische Bauhuus isch hüte die iiflussriichsti Schuel im Beriich vo dr Architektur, dr Kunst und vom Design. S Bauhuus het vo 1919 bis 1933 bestande und gältet hüte wältwit as d Heimstett vo dr Avantgarde vo dr Klassische Modärne uf alle Gebiet vo dr freie und aagwändete Kunst. D Resonanz vom Bauhuus hebt bis hüte, und brägt wäsentlig s Bild vo dütsche Entwürf im Usland.