D Biennale di Venezia (offiziell italienisch L’Esposizione Internazionale d’Arte, La Biennale di Venezia) isch en internationali Chunschtuusstellig, wu syter anne 1895 all zwai Johr z Venedig stattfindet.
Dr Hauptschauplatz sin d Giardini im Stadtdail Castello, wu si 28 Länder mit nationale Pavillon bresäntiere. Anderi Staate, wu uf däm Areal kai aigene Pavillon hän, stellen in dr Zyt vu dr Biennale in andere Ryym im ganze Stadtbiet uus. Näbe dr nationale Pavillon git s im Arsenale ne Themenuustellig, wu dur Kuratore zämmegstellt wird.
Zue dr Biennale gheren au d Filmfeschtspiil vu Venedig, Feschtival fir Musik, Theater un Danz un all zwai Johr versetzt zue dr Biennale d Architäkturbiennale (Mostra internazionale di architettura di Venezia).
© MMXXIII Rich X Search. We shall prevail. All rights reserved. Rich X Search