Ebolafieber

S Ebolafieber, vilmol churz nume Ebola, isch en Infekzioonschranket, wo vom Ebolawiirus verursacht wird. D Bezäichnig chunnt vom Fluss Ebola in dr Demokratische Republik Kongo, wo in dr Nööchi von em 1976 dr erst allgemäin bekannti groossi Usbruch vorchoo isch.

Sovil mä hüt wäiss, stärbe am Ebolafieber 50 bis 90 Brozänt vo alle Fäll. As Therapii git s bis jetz nume Maassnaame zum äinzelni Chrankheitssümptom z bekämpfe oder z lindere. Z Dütschland, Östriich, in dr Schwiz und e hufe andere Länder gits e Mäldpflicht bim e Verdacht uf Ebolafieber, wenn dr Erreeger diräkt oder indiräkt noochgwiise wird, wenn d Chranket usbricht oder wenn e hämorrhagische Chrankhetsverlauf oder Dood voorchunnt.