Ella Fitzgerald

Ella Fitzgerald
Date
Geburtsname	Ella Jane Fitzgerald
Uf d Wält cho	25. April 1917 z Newport News, Virginia, USA
Gstorbe	15. Juni 1996 z Beverly Hills, Kalifornie, USA
Genre	Swing, Bebop, Pop, Dschääs
Beschäftigung	Sängere, Schauspiilere
Instrument	Stimm
Label	Capitol, Decca, Pablo, Reprise, Verve

D Ella Jane Fitzgerald (* 25. April 1917 z Newport News, Virginia, USA; † 15. Juni 1996 z Beverly Hills, Kalifornie, USA) isch en amerikanischi Dschäässängere gsi. Si isch as "First Lady of Song" und "Queen of Jazz" bezäichnet worde. Si het e Stimmunmfang vo drei Oktave gha und isch berüemt gsi für d Räinhäit vom Doon, für iiri perfekti Dikzioon, Frasierig und Intonazioon. Si het hervorraagend chönne improwisiere, vor allem bim Scat.

D Fitzgerald isch e bekannti Interpretun vom Great American Songbook, wo vili vo de beste Songs vo dr amerikanische Unterhaltigsmuusig vo de 1930er bis 1960er Joor umfasst. Iiri Karriere isch 59 Joor lang gsi und in dere Zit het si me as 70 Album uusegee und 40 Millione Exemplar verchauft. Si het 13 Grammy Awards überchoo, d National Medal of Arts vom Ronald Reagan und die Presidential Medal of Freedom vom George H. W. Bush.