Ferdinand III. (HRR)

Dr Ferdinand III. (* 13. Juli 1608 z Graz; † 2. April 1657 z Wien), uf d Wält cho as Ferdinand Ernst, Erzherzog vo Ööstriich us em Huus Habsburg, isch vom 15. Februar 1637 bis zu sim Dood 1657 dr römisch-dütsch Käiser gsi- Usserdäm isch er sit 1625 bzw. 1627 König vo Ungarn, Kroazie und Bööme gsi.^[1]

Dr Ferdinand III. isch wääred em Drissigjöörige Chrieg Käiser worde und scho sit em 2. Mai 1634 dr Oberbefäälshaber vo dr Armee. In sinere Regierigszit sich dr käiserlig Machtaaspruch, wo si Vadder gstäigeret het, wider chliiner worde. Er het dr Chrieg so schnäll wie mööglig welle beände, het aber noch e baar milidäärische Niiderlage und wil si Macht sich verchliineret het, in vile Pünkt uf bishäärigi Posizione vo de Habsburger müesse verzichte. Eso ischs ändlig zu Friidensverhandlige cho, wo mit em Westfälische Friide gändet häi und d Macht vom Käiser verchliineret het. Z Bööme, z Ungarn und in de ööstriichische Erbland hingege isch diStellig vom Ferdinand as Landsherr allerdings sterker worde as vorhär.

Dr Ferdinand isch dr erst Herrscher us em Huuse Habsburg gsi, wo au as Komponist bekannt worde isch,.

1. ↑ Hermann Grotefend: Taschenbuch der Zeitrechnung des deutschen Mittelalters und der Neuzeit, 14. Uflaag, Hannover (2007), S. 115.