Herzogtum Schwaben

S Herzogtum Schwoobe (lat. Suevia) isch zämme mit Bayere, Franke, Lothringe und Sachse eis vo de füf Stammesherzogtümer vom oschtfränkische Riich gsi. Im Oschte isch de Lech d Gränze gsi, im Weschte d Vogese, im Norde isch s Herzogtum öppe bis uf Ellwange, Schduagert und Calw gange, im Süde sin Chiavenna un de Gotthardpass d Gränze gsi.

Als politisches Territorium häts s Herzogtum Schwoobe vom Johr 911 bis ins 1268i gäh, wo d Stammesherzogtümer im Oschtfrankeriich mim Ändi vo de Staufer au es Änd gfunde hei. De jure isch s Herzogtum erscht im 1806 ufglöst worde, zämme mit em Heilige Römische Riich.

Im Johr 915 isch de Erchanger zum erscht Stammesherzog ernannt worde. Aber scho im Johr druf isch er uf de Synode vo Hohenaltheim verurteilt und im 917i uf Befehl vom König hiigrichtet worde.