Johannes Paul II.

Dr Johannes Paul II. (latiin. Ioannes Paulus PP. II, burgerlige Name Karol Józef Wojtyła [ˈkarɔl ˈjuzɛf vɔjˈtɨu̯a]; Uussproch^ⓘ/?; * 18. Mai 1920 z Wadowice, Pole; † 2. April 2005 in dr Vatikanstadt) isch vum 16. Oktober 1978 bis zue sym Dod 26 Johr un 5 Monet lang Papscht vu dr remisch-katholische Chilche gsii. E lenger Pontifikat isch nume fir dr Pius IX. belait. Dr Johannes Paul II. isch dr erscht Slaw uf em Papschtdroon gsii. Ihm wird e wichtigi Roll bim Änd vum Sozialismus in sym Haimetland Pole zuegschribe.