Kantonsparlament

Es Kantonsparlament isch es Parlament und die legislativi Gwalt vo eme Schwizer Kanton. Wäge de unterschiidliche gschichtliche Entwicklige in de verschidnige Kantön und wäge de unterschiidliche Sproochregione, hei di Parlament verschidnige Näme. Si heisse Kantonsrot, Landroot oder dütsch Grosse Rot reschpektiv franzöösisch Grand Conseil. Nume dr Kanton Jura het parlement (schwzdt. Parlamänt) vorzoge.

D Kantonsparlamänt chömed im Johresablauf regelmässig för e paar Täg, im Kanton Züri jede Wuche a aim Tag, am Kantonshauptort zäme. Däne Zämekümft sait me au «Session». Si bespräched dänn di ainzelne Pünkt vo de Traktandelischte, fassed Bschlüss oder stelled Aaträg a d Kantonsregierig.

S Pendant zumene Kantonsparlamänt isch z Dütschland, z Ööschterrych und z Liechtestäi de Landtag.