Konstantin VII.

Konstantin VII.
Kaiser vom Byzantinische Riich
Regierigsziit	Mitkaiser 908–913 und 920–945, Kaiser 913–920 (under dr Regäntschaft) and 945–959
Name	Konstantin Porphyrogennetos ("dä wo im Purpur uf d Wält cho isch")
Uf d Wält cho	2. Septämber 905
Geburtsort	Konstantinopel
Gstorbe	9. Novämbe 959 (im Alter vo 54)
Dodesort	Konstantinopel
Vorgänger	Alexander
Nochfolger	Romanos II.

Dr Konstantin VII., gnennt Konstantin Porphyrogennetos oder Porphyrogenitus (griechisch Κωνσταντῖνος Ζ′ Πορφυρογέννητος‚ dä wo im Purpur uf d Wält choo isch‘, wil er as Soon vom Kaiser im Purpurzimmer vom kaiserlige Balast z Konstantinopel uf d Wält choo isch; * 905 z Konstantinopel; † 9. Novämber 959 z Konstantinopel), isch dr Soon vom byzantinische Kaiser Leo VI. und dam siner vierter Frau Zoë Karvounopsina gsi, Nöwöö vom Mitregänt vo si Vater, Alexander. Vo 913 bis 959 isch er dr byzantinischi Kaiser gsi. Dr Konstantin isch vor allem wäge sine Wärk De Administrando Imperio und De Ceremoniis bekannt worde, wo im Zämmehang mit dr sogenannte makedonische Rönessans entstande si.