Liste der byzantinischen Kaiser

Die Liste vo de byzantinische Kaiser git e süstematische Überblick über d Herrscher vom oströmische und denn vom Byzantinische Riich. Alli Kaiser si din vom Konstantin em Groosse (306–337) aa, wo, won er 324 eläi Herrscher über s Römische Riich worde isch, die nöiji Kaiserresidänz Konstantinopel het lo baue und vo däm Zitpunkt aa as dr erst byzantinischi Kaiser gältet, bis zum Konstantin XI. Palaiologos, wo Konstantinopel 1453 an d Osmane verloore het.

In dr Forschig wärde d Herrscher vo dr spätantik-früebyzantinische Faase vom Riich (bis Herakleios 641), wo Latiinisch no d Hoof- und Verwaldigssprooch gsi isch, im Allgemäine au as oströmischi Kaiser bezäichnet und wenigstens bis zum Justinian I. no zu de römische Kaiser zelt. Nit zu de byzantinische Kaiser wärde d Tetrarche Diokletian, Galerius, Maximinus Daia und Licinius grächnet, wo vo 284 bis 324 im Oste vom Riich regiert häi. Für d Zit zwüsche 1204 und 1261, wo Konstantinopel as Latiinischs Kaiserriich vo de Chrüzfaarer beherrscht worde isch, wärde d Herrscher vom Kaiserriich Nikaia as byzantinischi Kaiser gfüert. D Herrscher vom Kaiserriich Trapezunt (1204–1461) us dr Dünastii vo de Komnene gälte nit as byzantinischi Kaiser.