Koordinate: 47° 33′ 54,6″ N, 7° 36′ 4,7″ O; CH1903: 612242 / 268286
Dialäkt: Baseldütsch |
D Mustermäss Basel (churz «muba») isch e jöhrligi Mäss-Veraastaltig in dr Schwizer Stadt Basel gsi, wo vo 1917 bis 2019 stattgfunde het. In dr Umgangssprooch het mä hüfig au em Mässgländ esoo gsäit, au wenn dört au anderi Mässe as d «muba» stattgfunde häi (z. B. d Baselworld). An dr Glasfassade vo dr Halle 2 hets e groossi Uhr, wo zum Wohrzäiche vo dr Mäss worden isch (e gliichi Uhr befindet sich am Chraftwärk Birsfälde). Sit 2003 stoht am Mässblatz dr Mässdurm, wo mä scho vo witem cha gseh und won esoo zum zwäite Wohrzäiche vo dr Mäss worden isch.
D «muba» het alli drei Stöck vo dr Halle 2 iignoo und dr ersti Stock vo dr Halle 1. Jedes Joor het si über 300'000 Bsuecher aa us dr Schwiz, us Süddütschland und Frankriich aazooge und isch die grössti Publikumsmäss in dr Schwiz gsi.
Uf em Mässgländ stönde rund um e Mässblatz fümf Halle, en Usstelligsflechi vo 132'000 m², e Kongrässzentrum mit 16 Kongräss- und Komferänzrüüm, e Musical Theater mit 1500 Sitzblätz und e Parkhuus mit 1600 Blätz häi.
© MMXXIII Rich X Search. We shall prevail. All rights reserved. Rich X Search