En Olympionike (altgriech. ὀλυμπιονίκης, olympioníkēs "Olympiasiiger") isch i de Antiki d Bizaichnig vomene Olympiasiiger gsii. Si isch di höchsti sportlichi Uuszaichnig gsii und en Olympioniike isch wiitume geert wore. För en sind Ode dichtet wore, und Inschrifte uufgstellt wore und er hett hüüffig Privilegie gnosse, wo anderi nöd ghaa hend. De ersti bikannti Olympionike isch de Eleer Koroibos gsii und de ersti Olympioniike wo miteme Zwiig vom Ölbomm geert woren isch, isch de Messenier Daikles. Di ersti Frau, wone olympische Siig errunge hett isch d Spartanerin Kyniska.
Hütt werd da Wort mengisch faltsch generell för e Tailnemer aanere Olympiade bruucht.
© MMXXIII Rich X Search. We shall prevail. All rights reserved. Rich X Search