Oscar Niemeyer

Dr Oscar Ribeiro de Almeida Niemeyer Soares Filho (* 15. Dezämber 1907 z Rio de Janeiro, † 5. Dezämber 2012 z Rio de Janeiro) isch e brasilianische Archidekt gsi. Er het d Geböid für die brasilianischi Hauptstadt Brasília entworfe, wo 1987 zum Wältkultuurerb erkläärt worde isch.

Dr Niemeyer gältet as Wäägberäiter vo dr modärne brasilianische Archidekduur. Er het as Baumaterial fast nume Staalbeton brucht, und het nöiji Aawändigsmööglikäite für en erfunde. Si Formesprooch isch futuristisch und blastisch mit wäiche Kontuure und e Hufe Kurve, und Rächtegg, wie sini Kolleege sä brucht häi, findet mä in sine Arbäite kuum. Er het sich immer ums Verheltnis zwüschen em freije Ruum und em Volume kümmeret.