Ozeanien

Unter em Name Ozeanie fasst mer d Inselwält vum Pazifik zue aim Kontinänt zämme. No däre Definition isch Ozeanie dr chlaischt Kontinänt no dr Landflechi un dr zweetchlaischt no dr Bevelkerigszahl. Di iber 7.500 Insle umfasse zämme ne Landflechi vu fascht 1,3 Millione Quadratkilometer un gehn iber e Meeresbiet vu rund 70 Millione Quadratkilometer. Rund 2.100 Insle sin bewohnt, D Yywohnerzahl lyt bi rund 14,9 Millione. Mit Uusnahm vu dr Gränze vu Papua-Neiginea zue dr Indonesie het kai Staat z Ozeanie ne Landgränze.