Pferd

Ross
S Grevyzebra (Equus grevyi), en ostafrikanischi Rossart
Systematik
Chlass: Süüger (Mammalia) Underchlass: Hööcheri Süüger (Eutheria) Überordnig: Laurasiatheria Ordnig: Unbaarhuefer (Perissodactyla) Familie: Ross (Equidae) Gattig: Ross
Wüsseschaftlige Name
Equus
Linnaeus, 1758

D Ross oder Äihuefer (Equus) si die äinzigi rezänti Gattig us dr Familie Equidae. Arte vo andere Gattige us dere Familie si nume as Fossilie erhalte. Zur Gattig Equus ghööre d Dier, wo as Ross, Eesel und Zebra bezäichnet wärde. D Abgränzig vo de Arte isch bis hüte umstritte. Im Ganze underschäidet mä mäistems zwüsche siibe Arte. Dr Bestand vo de mäiste von ene isch hüte gfäärdet. S Huuspfärd und dr Huuseesel, die domestizierte Forme vom Wildpfärd respektiv vom Afrikanische Eesel, spiilen as Last- und Ritdier e wichdigi Rolle und si uf dr ganze Wält verbräitet.