Postleitzahl (Italien)

Di italienische Postlaitzahle gits sit em 1. Juli 1967. D Postlaitzahle för Italie, San Marino (PLZ: 47890 bis 47899) und de Vatikan (PLZ: 00120) send fööfstellig und mönd vollständig aagee wöre, aso ohni as me es Null wägloot, weder am Aafang no am Endi vo de Zahlegruppe. Me hät doozmol s Staatsgebiet in öpe 12'500 Postzentren iitailt und däne jewils e Postlaitzahl zuegwise. Die erste zwoo Ziffere händ di doozmolige Provinze aagee – doo häts no knapp 90 Provinze gee, underdesse sinds 106. Es 1 as dritti Ziffere hät amigs d Hopstadt von ere Provinz markiert.