Right Livelihood Award

Dr Right Livelihood Award (RLA, änglisch fir Pryys fir di richtig Lääbeswyys), vylmol Alternative Nobelpryys gnännt, isch e Uuszaichnig „fir d Gstaltig vun ere bessere Wält“. Är wird all Johr im Dezämber vu dr Stiftig Right Livelihood Award Foundation vergee un dur Spände finanziert.

Dr Name Alternative Nobelpryys isch in dr erschte Johr vum Bryys entstande, isch aber nit di offiziäll Bezaichnig vum Pryys un wird vu dr Stiftig nume in Aafierigszaiche bruucht. En inschtitutionälli Verbindig vum Pryys zum Nobelpryys git s nit.