Schlaginstrument

E Schlaaginstrumänt isch e Muusiginstrumänt, wo mä bim Schbiile schloot oder schüttlet und eso e Doon erzügt. Es si woorschinlig die eltisten Muusiginstrumänt überhaupt. D Familie vo de Schlaaginstrumänt isch seer vilfältig. Mä schetzt ass es uf dr ganze Wält vili Hunderti vo verschiidene Schlaaginstrumänt git. Die mäist brucht mä vor allem, zum dr Rhüthmus voorzgee. Uf e baar Schlaaginstrumänt wie s Gloggeschbiil, Xilofoon, Wibrafoon, Tschelesta, Klavier und Boo-bam cha mä au Melodie und Harmonie schbiile.