Stuttgart 21

Stuttgart 21 isch e Verchehrs- un Stedteböubrojäkt im Böu fir e Nejornig vum Yysebahnchnopf Stuegert. In Verbindig mit dr Nejböustrecki Wendlenge–Ulm wird s offiziäll au Bahnprojekt Stuttgart–Ulm gnännt, zytwyys, ab Mitti 2000,^[1] isch s au Baden-Württemberg 21 gnännt wore.^[2][3]

S Chärnstuck isch d Umwandlig vum Stuegerter Hauptbahnhof in e unterirdische Durgangsbahnhof. D Zuelaufstreckine wäre doderbyy in schnäll befahrbari Tunäll verleit. Rund ei Quadratkilometer Gleisflechine, wu frej wäre, solle eso derno fir d Stadtentwicklig z Verfiegig stoh. Derzue solle drej neji Bahnhef entstoh.^[4]

S Bahnhof-21-Brojäkt isch Deil vu dr Vorrangige Achse Nr. 17 vu dr Transeuropäische Netz („Magistrale für Europa“) un wird vu dr Dytsche Bahn AG, dr Bundesrepublik Dytschland, em Land Bade-Wirttebärg, dr Region Stuegert un dr Landeshauptstadt Stuegart verdrätte.

S goht zruck uf e Vorschlag vum Verchehrswisseschaftler Gerhard Heimerl vu 1988 un isch anne 1994 dr Effetligkeit vorgstellt wore.^[5] Am 2. Februar 2010 hän d Böuarbete aagfange.^[6] Di blante Cheschte lige zurzyt bi rund vier Milliarde Euro (Stand: Dezämber 2009).

S Brojäkt isch umstritte un wird syt Johre kontrovers dischpetiert. Bi zahlryyche Demonschtratione hän döuserdi Burger mitgmacht. E Alternativkunzäpt wird unter em Name „Kopfbahnhof 21“ dischpetiert. Im Oktober un Novämber 2010 het s e Serie vu Schlichtigsgspräch gee unter dr Vermittlig vum Heiner Geißler.

Dr gmeinsam Finanzierigsvertrag vu dr Projäktpartner us em Johr 2009 reglet d Finanzierig bis zue Gsamtcheschte vu 4,526 Milliarden Euro.^[7] Bi re Volksabstimmig am 27. Novämber 2011 isch en Uusstiig vum Land us dr Finanzierig vum Projäkt mit 58,9 Prozänt abglähnt wore.^[8] Dr Ufsichtsrot vu dr Bahn AG het am 5. Merz 2013 e Lupfig vum Finanzierigsramme uf bis zue 6,526 Milliarden Euro gnämmigt. D Ibernahm vu dr Meecheschte isch zwische dr Projäktpartner umstritte.

1. ↑ Meldung Stuttgart 21 erneut vertagt. In: Eisenbahn-Revue International, Heft 8-9/2000, ISSN 1421-2811, S. 338.
2. ↑ „Das neue Herz Europas“ Archivlink (Memento vom 31. Jänner 2010 im Internet Archive). In: Stuttgarter Nachrichten, 25. März 2008.
3. ↑ Für das Millionengrab wird ein neuer Name gesucht Archivlink (Memento vom 10. Oktober 2010 im Internet Archive). In: Stuttgarter Zeitung, 28. März 2008
4. ↑ Referänz-Fähler: Uugiltige <ref>-Tag; s isch kei Täxt fir s Ref mit em Name db-2007-07-19 aagee wore.
5. ↑ DBProjekt GmbH, Stuttgart 21 (Hrsg.): Planfeststellungsunterlagen: Umgestaltung des Bahnknotens Stuttgart. Ausbau- und Neubaustrecke Stuttgart - Augsburg, Bereich Stuttgart - Wendlingen mit Flughafenanbindung: Abschnitt 1.1, Talquerung mit Hauptbahnhof. Bau-km -0.4 -42.0 bis +0.4 +32.0. Erläuterungsbericht Teil I: Allgemeiner Teil. Planfestgestelltes Dokument vom 28. Januar 2005, S. 59–67.
6. ↑ Deutsche Bahn AG: Jahrhundertprojekt Stuttgart 21 startet (Site cha nüme abgrüeft wärde; Suche im Webarchiv)[1] [2] Vorlage:Toter Link/www.deutschebahn.com. Presseinformation vum 3. Februar 2010
7. ↑ Referänz-Fähler: Uugiltige <ref>-Tag; s isch kei Täxt fir s Ref mit em Name ds-14-4382 aagee wore.
8. ↑ Endgültiges Ergebnis der Volksabstimmung am 27. November 2011 über die Gesetzesvorlage "Gesetz über die Ausübung von Kündigungsrechten bei den vertraglichen Vereinbarungen für das Bahnprojekt Stuttgart 21 (S 21-Kündigungsgesetz)". Statistisches Landesamt Baden-Württemberg, 27. November 2011, archiviert vom Original am 26. November 2011; abgruefen am 27. November 2011.