Cine de comedia

O cine de comedia, cine d'humor u cine comico ye un d'os mas populars cheneros cinematograficos, present dende lo mesmo inicio d'o cine, y la suya caracteristica fundamental ye la de provocar a risa en os espectadors, a traviés d'a trama argumental d'a cinta u d'as escenas cinematograficas (que yeran o solo recurso mientres o cine mudo) que s'amuestra en a pantalla. Ye un chenero que gosa adaptar-se a las caracteristicas socials y politicas de cada país (humor britanico, commedia all'italiana, etc) y que puet subdividir-se en cuantos subcheneros (cine de parodia, comedia romantica u screwball, comedia negra...).