Muro de Roda (municipio)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre Muro de Roda que ye un municipio auxidito. Ta altros emplegos d'o toponimo «Muro de Roda» se veiga Muro de Roda (desambigación).

Muro de Roda
Antigo municipio d'Aragón
Muro de Roda.
Entidat  • País  • Provincia  • Comarca	Antigo municipio  Aragón  Uesca Sobrarbe
Capital	Muro de Roda
Municipio actual	A Fueva
Población  • Total	257 hab. (1960)
Altaria  • Meyana	599 m.
Distancia  • 103 km	enta Uesca
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas	42°22’12’’N 0°13’12’’E
Muro de Roda Muro de Roda en Aragón

Muro de Roda ye un municipio historico d'Aragón en a comarca de Sobrarbe y a subcomarca natural que ye a Fueva. Se o puede documentar dende os primers censos mudernos de 1842^[1] dica a suya absorción en o municipio de a Fueva en a decada de 1960.^[1]

Muro de Roda prene o suyo nombre d'o lugar fortificau de Muro de Roda, en l'altura d'o tozal de Muro, que ye una población medieval documentada dende o reinau de Sancho lo Mayor^[2] (sieglo XI). Anque en os primers documentos i suele amaneixer o nombre de «Muro Mayor»,^[3] diz que l'apelativo «de Roda» se l'apegó a radiz d'a suya transmisión a o bispau de Roda en tiempos de Remiro lo Monche,^[3] bellos 100 anyos dimpués. Muro de Roda va estar a cabecera d'o municipio homonimo dica que, en dir-se despoblando, se a gosó tresladar ta o Lumo de Muro que ye a capital que se conserva en l'alcordanza popular en a redolada.

O municipio se formaba con tres lugars, que son o Lumo de Muro, Muro de Roda y Ministirio, toz tres siga alto u en as inmediacions d'a sierra de Muro de Roda, mas as once pardinas que yeran Carrera, a Plana, Fumanal, a Corona, Montero, o Pamporciello, Susiaz, a Lecina, y o Plano, que se troban todas en os calcils de a dita sierra. A demás, en o periodo intercensal 1842-1857 se i van unir os lugars d'o municipio de Charo,^[1][4] que rodeyan o tozal de Charo, y que son o Pocino de Charo, Charo, Aluchán, a Lueza y o Sotero.

1. ↑ ^{1,0 1,1 1,2} (es) «Muro de Roda» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada l'1 de noviembre de 2010
2. ↑ (es) «Cultura y patrimonio» en a pachina oficial de l'achuntamiento de a Fueva, consultada l'1 de noviembre de 2010.
3. ↑ ^{3,0 3,1} (es) «Conjunto histórico-artístico Muro de Roda» en a pachina oficial de l'achuntamiento d'A Fueva, consultada l'1 de noviembre de 2010.
4. ↑ (es) «Charo» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada l'1 de noviembre de 2010