![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Scratch ye un luengache de programación visual basau en bloques y una pachina web endrezau prencipalment a ninos. Os usuarios de ista pachina pueden creyar prochectos en linia utilizando una interficie semellant a un bloque. O servicio ye desembolicau por o MIT Media Lab, ha estau traduciu a mas de 70 idiomas y s'utiliza en a mayoría d'as partis d'o mundo. Scratch s'amuestra y s'emplega en escuelas y universidaz, asinas como en atras institucions de conoixencia publico. A partir d'abril de 2020, as estatisticas d'a comunidat en a pachina web oficial amuestran mas de 52 millons de prochectos compartius por mas de 54 millons d'usuarios y cuasi 55 millons de vesitas mensuals a la pachina web.
Ye disponible en 70 idiomas, entre éls l'aragonés a causa d'o treballo de l'asociación Softaragonés.
Scratch ye basau en o luengache de programación Logo y sirve pa aprender a programar a traviés d'o chuego y a experimentación y introducir, asinas, o pensamiento computacional. A suya interficie ye sencilla y permite tanto creyar historias interactivas, tutorials, chuegos y animacions, como que compartir os prochectos con atros usuarios en linia. Os prochectos pueden estar de tematica variada, se pueden adaptar y orientar a diferents ambitos y obchectivos. Por eixemplo, en l'ambito educativo, se puede treballar dende as diferents arias que replega o curriclo d'educación primaria.
© MMXXIII Rich X Search. We shall prevail. All rights reserved. Rich X Search