Arte ambiental

Arte ambiental (Environmental art, n'inglés) o arte ecolóxico ye una espresión que s'usa en dos sentíos distintos.

El términu puede usase de forma xenérica en referencia a un arte que trata de temes ecolóxicos o'l mediu ambiente natural, por aciu distintes estratexes:

• amenando la conciencia de la fraxilidá de la naturaleza (lo qu'inclúi fotografía basada nel paisaxe, pintura, dibuxos, llibros-obres y arte propio d'un llugar)
• investigando fenómenos naturales (inclúi ilustración científica según práutiques artístiques interdisciplinares)
• usando materiales naturales aconceyaos nel esterior (como ramillas, fueyes, piedres, suelu, plumes; lo que de cutiu ye llamáu Arte de la naturaleza)
• nun contribuyendo a la degradación medioambiental (lo qu'inclúi obres «verdes» realizaes con materiales biodegradables o reciclaos; l'Ecu escultura», que ta sensiblemente integrada nun hábitat natural)

El términu tamién s'usa de forma más específica pa referise a una obra d'arte de grandes dimensiones qu'utiliza la redolada natural; davezu con respetu al mediu ambiente (esto ye, cumpliendo les condiciones que dexen considerala medioambiental nun sentíu xenéricu), pero que tamién puede rellacionase con otros aspeutos del mediu ambiente, tales como'l contestu formal, políticu, históricu o social.