El ciclismu en ruta o ciclismu en carretera ye una modalidá de ciclismu de competición que consiste en competir en carretera, a diferencia del ciclismu en pista que queda amenorgáu al óvalu del velódromu o otres modalidaes que nun s'apuesten sobre asfalto. El ciclismu en ruta ye un deporte bien esixente y nun tien de ser confundíu col cicloturismo, a pesar de que nél tamién pueda dase ciertu nivel d'esixencia competitiva, pero presuponse qu'hai que ser totalmente autónomu ensin asistencies al contrariu que nel ciclismu en ruta que ta tou muncho más controláu.
El ciclismu en ruta suel tener llugar a partir de la primavera hasta la seronda nel hemisferiu norte. Munchos ciclistes del hemisferiu norte pasen l'iviernu en países como Australia y Arxentina pa competir o entrenar. La gama de carreres profesionales de la Xunión Ciclista Internacional van dende les de tres selmanes llamaes "Grandes Vueltes" (Tour de Francia, Giro d'Italia y Vuelta a España) a les clásiques d'un día. Sicasí, el ciclismu en ruta tamién se da a manera aficionada (amateur) o amistosu d'exhibición por aciu distintes pruebes como pueden ser los critériums (carreres urbanes de poco quilometraxe).
© MMXXIII Rich X Search. We shall prevail. All rights reserved. Rich X Search