Edward Wadie Said (n'árabe, إدوارد وديع سعيد)(1 de payares de 1935, Xerusalén – 25 de setiembre de 2003, Nueva York) foi un críticu y teóricu lliterariu y musical, y activista palestín-estauxunidense. Foi autor y analista de fama mundial, y miembru del Conseyu Nacional Palestín (1977-1991). De 1963 hasta la so muerte en 2003, foi profesor de lliteratura inglesa y lliteratura comparada na Universidá de Columbia. Ye consideráu como unu de los iniciadores de los estudios poscolonialistas.[9] En 1999, xunto a Daniel Barenboim, fundó la West-East Divan Orchestra que dende 2002 tien la so sede en Sevilla (España).
© MMXXIII Rich X Search. We shall prevail. All rights reserved. Rich X Search