Escuela austriaca

Pa ver escuela de pensamientu filosóficu y epistemolóxicu, Círculu de Viena.

La escuela austriaca, tamién nomada escuela de Viena, ye una escuela de pensamientu económicu que s'opon al usu de los métodos de les ciencies naturales pal estudiu de les aiciones humanes, y prefier utilizar métodos lóxicos deductivos y la introspección, lo que se noma individualismu metodolóxicu.

El so aniciu alcuéntrase nel alderique metodolóxicu cola Escuela Histórica Alemana, que nun ánimu historicista intentaba confinar les lleis del mercáu a diferentes etapes de la historia.