Idioma sumeriu

Sumeriu 'eme-ĝdir'
Faláu en	d'antiguo falada en Mesopotamia
Rexón	sur de Mesopotamia
Falantes	llingua muerta
Familia	Llingua aisllada  Sumeriu
Estatus oficial
Oficial en	Nengún país
Reguláu por	Nun ta reguláu
Códigos
ISO 639-1	nengún
ISO 639-2	sux
ISO 639-3

El sumeriu (𒅴𒂠 eme-ĝdir "llingua nativa") foi la llingua de l'antigua Sumeria, que se faló nel sur de Mesopotamia dende a lo menos el IV mileniu e. C. Foi gradualmente reemplazada pol acadiu como llingua falada escontra'l 1900 e. C., pero siguió siendo usáu como llingua sagrada, ceremonial y científica en Mesopotamia hasta empiezos de la nuesa era. A partir d'esi momentu entró nel olvidu hasta'l sieglu XIX. El sumeriu nun ta rellacionáu coles demás llingües de la zona yá que nun ye nin semita, nin camita (nun ye camito-semítica), nin indoeuropea, nin elamo-drávida (grupu, esti postreru, al que pertenez la llingua elamita, por casu) y considérase una llingua aisllada.

El sumeriu foi la primer llingua escrita conocida. La so escritura, llamada cuneiforme pola forma de cuña de los sos trazos, emplegóse más tarde pal acadiu, el ugarítico, l'elamita, etc. Tamién s'afixo pa llingües indoeuropees como'l hitita, qu'amás tenía una escritura xeroglífico como los exipcios anque independiente d'esta postrera. Tamién el persa aqueménida adoptó la escritura cuneiforme.