Yósif Vissariónovich Dzhugashvili (?·i) (en rusu: Ио́сиф Виссарио́нович Джугашви́ли, y en xeorxanu: იოსებ ბესარიონის ძე ჯუღაშვილი ,Yoseb Bessarionis dze Dzhughashvili; de facto 18 d'avientu de 1878, Gori – 5 de marzu de 1953, Dacha de Kúntsevo), más conocíu como Josif Stalin[17] (Ио́сиф Ста́лин) foi líder de facto de la Xunión Soviética dende metaes de los años 20 hasta la so muerte en 1953, y secretariu xeneral del Comité Central del Partíu Comunista de la Xunión Soviética (1922-1953), posición dende la que se convirtió nel máximu dirixente del partíu.
Tamién tenía'l nomatu de Koba (nome d'un héroe popular de Xeorxa). Usó dellos nomatos: David, Nijeradze, Chízhikov, Ivanóvich, hasta adoptar el d'Stalin, qu'utilizó dempués de la Conferencia Bolxevique de Tammerfors (Finlandia). El nome Stalin remanez de la pallabra rusa stal (aceru) col mesmu sufixu posesivu personal -in qu'usó Lenin.
© MMXXIII Rich X Search. We shall prevail. All rights reserved. Rich X Search