Michael Haneke (23 de marzu de 1942, Munich) ye un direutor y guionista de cine austriacu conocíu pol so estilu solombriegu y turbador. Les sos películes a menudo traten problemes de la sociedá moderna, y suelen causar controversia. Haneke trabayó en televisión‚ teatru y cine.
En 2005 algamó'l premiu a la meyor direción pola so película Caché nel Festival de Cine de Cannes, asina como'l premiu de la FIPRESCI y el premiu del Xuráu Ecuménicu del mesmu festival. Esi añu Caché sería la gran trunfadora nos Premios del Cine Européu con cinco gallardones, ente ellos los de meyor película y meyor direutor. El 24 de mayu de 2009 algama la Palma d'Oru na 62ª edición del Festival de Cannes pol so trabayu Das Weiße Band (Das weiße Band), premiu que volvería a ganar 3 años depués, el 27 de mayu de 2012 na 65ª edición del Festival con Amour. En 2012 Europa ríndese ante'l direutor, dando-y cuatro premios na gala del cine européu.[19]. En 2013 algama'l Premiu Príncipe d'Asturies de les Artes[20]
© MMXXIII Rich X Search. We shall prevail. All rights reserved. Rich X Search