Quiz Show ye una película dramática estauxunidense de 1994 dirixida por Robert Redford, y escrita por Paul Attanasio, basándose nes memories de Richard N. Goodwin, Remembering America: A Voice From the Sixties. El filme foi protagonizáu por John Turturro, Rob Morrow y Ralph Fiennes, con participaciones secundaries de Paul Scofield, David Paymer, Hank Azaria y Christopher McDonald.[11][12]
La película narra los escándalos rellacionaos al programa de concursos Twenty One na década de 1950, l'ascensu y la cayida del popular concursante Charles Van Doren dempués de la derrota iguada de Herb Stempel y les investigaciones posteriores de Richard Goodwin. Anque la cinta foi una decepción a nivel comercial, recibió crítiques positives na so mayoría y foi nomada a dellos premios, incluyendo'l Óscar a la meyor película y dellos Premios Globu d'Oru. Llevóse'l premiu del Círculu de Críticos de Cine de Nueva York a la meyor película y el premiu BAFTA al meyor guión adautáu.
© MMXXIII Rich X Search. We shall prevail. All rights reserved. Rich X Search