Rally de Montecarlu

Rally de Montecarlu
Xeneral
Tipu de competición	actividá deportiva periódica
Deporte	Rally
País	Francia Mónacu
Organizador	Fédération Internationale de l'Automobile
Historia
Fundación	xineru de 1911
Competición
Web oficial

El Rally de Montecarlu (oficialmente Rallye Automobile Monte Carlo, Rally Automovilísticu de Montecarlu) ye una prueba de rally que s'entama añalmente nel mes de xineru dende 1911 pol Automobile Club de Monaco (Club Automovilísticu de Mónacu) quien tamién entama'l Gran Premiu de Mónacu de Fórmula 1 y la Copa Kart de Mónacu. Apuéstase práuticamente en territoriu francés, concretamente nel sureste del país y nes rexones de Provenza-Alpes-Costa Azul, Ródanu-Alpes y Languedoc-Rosellón. Solo en delles ocasiones la prueba cuntó con tramos en territoriu monegascu. La prueba foi puntuable pa distintos campeonatos internacionales como'l Campeonatu d'Europa de Rally, el Intercontinental Rally Challenge y el Campeonatu Mundial de Rally.

Dende'l so entamu en 1911, esta carrera que se compite sobre asfalto y nieve y so condiciones difíciles, tien un importante papel na prueba de les últimes meyores ya innovaciones p'automóviles. Aquel que gana la carrera adquier gran reputación y publicidá. Dende 1973, la carrera celebróse en xineru, y percuérrense alredor de 1.461 quilómetros en 15 etapes.

Dende la creación del Campeonatu Mundial de Rallye en 1973, tuvo presente nel campeonatu, quitando en 1996, y abriendo casi siempres la temporada, hasta l'añu 2009 que pasó a ser puntuable pal IRC tornando de nuevu al mundial en 2012.

Dende va unos años celébrense tamién el Rally Montecarlu d'Enerxíes alternatives (Rallye Monte Carlo des Véhicules à Energie Alternative)^[1] puntuable pa la Copa FIA d'Enerxíes Alternatives^[2] y el Rally de Montecarlu Históricu^[3] (Rallye Monte-Carlo Historique).

1. ↑ Rallye Monte Carlo des Véhicules à Energie Alternative acm.mc
2. ↑ «Copia archivada». Archiváu dende l'orixinal, el 27 de setiembre de 2011. Consultáu'l 19 de xunetu de 2010. FIA.com
3. ↑ Rallye Monte-Carlo Historique acm.mc