Resistencia de materiales

Resistencia de materiales
Mecánica de sólidos deformables y ingeniería de materiales (es)

La resistencia de materiales clásica ye una disciplina de la inxeniería mecánica, la inxeniería estructural y la inxeniería industrial qu'estudia la mecánica de sólidos deformables por aciu modelos simplificaos. La resistencia d'un elementu defínese como la so capacidá p'aguantar esfuercios y fuercies aplicaes ensin rompese, adquirir deformaciones permanentes o deteriorase de dalguna manera.

Un modelu de resistencia de materiales establez una rellación ente les fuercies aplicaes, tamién llamaes cargues o aiciones, y los esfuercios y desplazamientos inducíos por elles. Xeneralmente les simplificaciones xeométriques y les restricciones impuestes sobre la manera d'aplicación de les cargues faen que'l campu de deformaciones y tensiones seyan senciellos de calcular.

Pal diseñu mecánicu d'elementos con xeometríes complicaes la resistencia de materiales suel ser abondosu y ye necesariu usar téuniques basaes na teoría de la elasticidá o la mecánica de sólidos deformables más xenerales. Esos problemes plantegaos en términos de tensiones y deformaciones pueden entós ser resueltos de forma bien averada con métodos numbéricos como l'analís por elementos finitos.