Rosen Asenov Plevneliev (en búlgaru: Росен Асенов Плевнелиев; 14 de mayu de 1964, Gotse Delchev (es) ) ye un políticu, inxenieru y empresariu búlgaru. Foi presidente del so país[8] ente 2012 y 2017. Tamién se desempeñó como ministru de Desenvolvimientu Rexonal y depués ministru d'Obres Públiques.
Rosen Plevneliev, qu'estudió nel institutu de segunda enseñanza de Matemátiques y Ciencies Naturales en Blagoevgrad, graduóse en 1982. En 1989 graduóse en Sofía na escuela superior de mecánicos lletricistes. Inxenieru y empresariu de la construcción, tuvo la primer empresa privada de construcción nel añu 1990[9] qu'empezó a trabayar na era postcomunista de Bulgaria. La compañía concretó otros proyeutos de negocios en Sofía.
Ta casáu y tien trés fíos llamaos Pablo, Rustan y Rosen. El so partíu políticu, de centru derecha, denómase "Ciudadanos pol Desenvolvimientu Européu" (GERB).
El 4 de setiembre de 2011 foi propuestu como candidatu a la presidencia de la República de Bulgaria[8]. Dempués consiguió la mayoría de votos del 55,3% na segunda ronda (yá que na primera nun algamara'l mínimu riquíu p'acreditase la victoria) y ganó les eleiciones presidenciales celebraes el 30 d'ochobre de 2011, en cuantes que perdió el Partíu Opositor Socialista Búlgaru na segunda ronda, que'l so candidatu yera Ivaylo Kalfin. Rosen Plevneliev empezó la so presidencia'l 22 de xineru de 2012.
© MMXXIII Rich X Search. We shall prevail. All rights reserved. Rich X Search