Sarayevu[2] o Sarayevo[3] (en croata y bosniu Sarajevo; serbiu Сарајево/Sarajevo) ye la ciudá más grande y capital de Bosnia y Herzegovina. Enantes de la guerra, l'últimu padrón de 1991 estimaba la población en 429.672 habitantes y anguaño tien 275 524 hab. (2013)[4][5]. Sarayevu vien del turcu saray que significa «palaciu del soldáu» y ova que quier dicir campu.
La ciudá considérase una de les más importantes de los Balcanes y la so historia ye bayurosa dende la so creación polos otomanos en 1461. La ciudá foi'l llugar del asesinatu del archiduque Franciscu Fernandu d'Austria que marcó l'entamu de la Primer Guerra Mundial y más a lo cabero acoyó los Xuegos Olímpicos d'Hibiernu de 1984 y foi asediada na guerra de Bosnia nos años 1990. Sarayevu forma parte del cantón de Sarayevu, ún de los diez cantones de Bosnia y Herzegovina.
© MMXXIII Rich X Search. We shall prevail. All rights reserved. Rich X Search