Selmana Santa

La Selmana Santa ye la conmemoración añal cristiana de la Pasión, Muerte y Resurrección de Xesús de Nazaré. Por eso, ye un periodu d'intensa actividá llitúrxica dientro de les diverses confesiones cristianes. Da empiezu col Domingu de Ramos y remata el Domingu de Resurreición,^[1] anque la so celebración suel empecipiase en dellos llugares el vienres anterior (Vienres de Dolores). La fecha de la celebración ye variable (ente marzu y abril según l'añu) yá que depende del calendariu llunar. La Selmana Santa va precedida pola Cuaresma, que remata na Selmana de Pasión onde se celebra la eucaristía nel Xueves Santu, conmemórase la Crucifixón de Xesús el Vienres Santu y la Resurrección na Vixilia Pascual mientres la nueche del Sábadu Santu al Domingu de Resurreición. Mientres la Selmana Santa tienen llugar numberoses muestres de relixosidá popular a lo llargo de tol mundu, destacando les procesiones y les representaciones de la Pasión.^[2]

1. ↑ «Selmana Santa». lema.rae.es. Consultáu'l 4 d'abril de 2015.
2. ↑ «La Selmana Santa». ye.catholic.net. Consultáu'l 4 d'abril de 2015.