Somalia[10] (somalín: Soomaaliya; árabe: الصومال, Ās-Sūmāl), oficialmente República Federal de Somalia (en somalín: Jamhuuriyadda Federaalka ee Soomaaliya; árabe: جمهورية الصومال الاتحادية, jumhuriat alsuwmal alaitihadia), ye un país asitiáu nel nomáu Cuernu d'África, al este del continente africanu. Al oeste y noroeste llenda con Etiopía y Xibuti, al sur con Kenia, al norte col Golfu d'Adén, y al este col Océanu Índicu. Tres una llarga guerra civil, el país dixebróse en pequeños estaos independientes, ensin un poder que lo gobierne na so totalidá. Nel añu 2004 distintos grupos llegaron a un alcuerdu pa conformar un gobiernu de transición, unificando'l país. Finalmente nel añu 2012 aprobóse una nueva Constitución provisional que va rexir pa tol país unificáu.[11] Ye consideráu un estáu fallíu por diversos medios de comunicación.[12][13][14] La so ciudá capital y más poblada ye Mogadixu.
© MMXXIII Rich X Search. We shall prevail. All rights reserved. Rich X Search