Suroeste d'Inglaterra

Suroeste d'Inglaterra
Alministración
País	Reinu Xuníu
Nación constitutiva	Inglaterra
Tipu d'entidá	rexón d'Inglaterra
Capital	Bristol
División	ver Gloucestershire, Dorset, Devon, Cornualles, Wiltshire, Somerset y Ciudad de Bristol (es)
Xeografía
Coordenaes	50°58′N 3°13′W / 50.96°N 3.22°O / 50.96; -3.22
Superficie	23829 km²
Llenda con	Sureste d'Inglaterra y Midlands del Oeste (es)
Demografía
Población	5 624 696 hab. (2019)
Densidá	236,04 hab/km²
Más información
Estaya horaria	UTC±00:00
southwest-ra.gov.uk

El Suroeste d'Inglaterra (n'inglés: South West England, en córnicu: Rannvro Soth West) ye una de les nueve rexones d'Inglaterra. Ta formada por siete condaos: Gloucestershire, Somerset, Dorset, Brístol, Wiltshire, Devon y Cornualles. La so capital ye Brístol. Llenda al norte col mar Célticu y la canal de Brístol, que la dixebren de Gales, y Midlands del Oeste, al este con Sureste, al sur cola canal de la Mancha y al oeste col océanu Atlánticu.

Con 23 829 km² ye la rexón más estensa del país y con 222,0 hab/km², siquier densamente poblada. Inclúi una área conocida como West Country y gran parte de Wessex. El gran tamañu de la rexón vese reflexáu nel fechu de que la parte norte de Gloucestershire, cerca de Chipping Campden, atópase tan cerca del estremu de Cornualles como de la frontera con Escocia.

Tradicionalmente, el Suroeste d'Inglaterra foi conocíu pola producción del quesu Cheddar, orixinariu d'un pueblu col mesmu nome, en Mendip Hills; del cream tea de Devon, y de la sidra de Somerset. Na actualidá, quiciabes sía igualmente conocíu debíu al Proyeutu Eden, a Aardman Animations, al Festival de Glastonbury, a la Bristol International Balloon Fiesta, a la música trip hop, a la serie Skins ambientada na ciudá de Bristol, a los restoranes de frutos de mar en Cornualles y a los sos sableres nes que se practica'l surf. Dos Parques nacionales y cuatro lugar declaraos Patrimoniu de la Humanidá esisten dientro de les llendes de la rexón.