Turismu

El turismu —en definición de la Organización Mundial del Turismu— entiende «les actividaes que realicen les persones mientres los sos viaxes y estancies en llugares distintos a la so redolada habitual por un periodu de tiempu consecutivu inferior a un añu, con fines d'ociu, negocios o otros».^[1][2] El DALLA defínelo cenciellamente como l'actividá de viaxar por gustu.^[3] Si nun se realiza pernoctación, considérense escursionistes. Los turistes y escursionistes formen el total de visitantes.

El turismu puede ser domésticu (turistes que se mueven dientro del so propiu país) o internacional. Esti postreru ye lo que ye güei una importante fonte d'ingresos pa munchos países. Nel añu 2015 hubo 1187 millones de desplazamientos turísticos internacionales, siendo los países más visitaos Francia (84 millones), Estaos Xuníos (77 millones), España (68 millones), China (56 millones) ya Italia (46 millones).^[4]

1. ↑ «UNWTO technical manual: Collection of Tourism Expenditure Statistics» páx. 10. World Tourism Organization. Archiváu dende l'orixinal, el 22 de setiembre de 2010. Consultáu'l 26 de marzu de 2009.
2. ↑ Sancho, Amparo (1998). «Unidá 1 El turismu como actividá economica», OMT Organizacion Mundial del Turismu: Introduccion al Turismu. OMT Organizacion Mundial del Turismu, páx. 11. ISBN 978-92-844-0269-4. Consultáu'l 20 de xunetu de 2017.
3. ↑ Esti términu apaez nel Diccionariu de l'Academia de la Llingua Asturiana. Ver: turismu
4. ↑ WTO Tourism Highlights 2016.