Franz Kafka

Der Artikl is im Dialekt weanarisch (HC Artmann schreibweis) gschriem worn.

Kafka is a Weidaleitung fia den Artike. Weidare Bedeitunga san unta Kafka (Begriffsklearung) afgfiat.

Da Kafka Franz (* 3. juli 1883 in Prag, Östareich-Ungarn; † 3. juni 1924 in Klosterneiburg-Kierling, Östareich) woa a deitschschbrochiga Schriftschdöla. Ea hod vua oim Romane und Kuazgschichtn gschriem.

Ea is ana fon de eiflussreichsdn Autoan fom 20. Joahundad. Beischbü dafia san da Albert Camus, da Gabriel García Márquez and da Jean-Paul Sartre.

De existenzialistischn und surrealistischn Inhoede fom Kafka seine Schriftn druckn oft Aungst und Vazweiflung aus. Es geed um Vafremdung, Gwoet, birokratischn Waunsinn, iasinnige Vaheamethodn, mystische Vawaundlungen etc. Dea Ausdruck "kafkaesk" fia surreale Situazionen is in an Sprochbrauch eigaungen.

Nua wenige Schriftn san za seine Lebzeitn vaeffendlichd wuan. Easchd sei Freind und Nochlossvawoeta Max Brod hod an grosn Täu vo seine Schriftn aussabrochd. Geng an Wün fom Kafka, dea olle Schriftn zastead seng woet.

Da Kafka is in ana jiddischn Famülie in Prag aufqoxn und woa fom osteiropeischn Judndum fasziniad. Sei Dogebiachl is foe fon Vaweisn auf jiddische Autoan. In seine spädn Joa hod a si owa fom Judndum entfeant.